هەواڵ- تەندروستی

كۆباس

پسپۆڕێکی بواری خواردن هۆشداری داوە لەبارەی هەندێك لە خواردن و خواردنەوەکانەوە لە بەیانیاندا، چونکە کاریگەریی خراپ و نەرێنیان لەسەر تەندروستی مرۆڤ دەبێت.
ماڵپەڕی "RT"کە هۆشداریەکەی ئەو پسپۆڕی خۆراکەیان بڵاوکردۆتەوە، ئاماژەی بەوەکردوە، خواردنی ساندویچ وێڕای ئەوەی کە زۆر کەس لەبەیانیاندا دەیخۆن مەترسیدارە، چونکە جەستەی مرۆڤ دوای لەخەو هەستان پێویستی بەو خواردنانەیە کە دەوڵەمەندن بە ڤیتامین و پێکهاتە گرنگەکان.
بەڵام ئەگەر ژەمی بەیانی شەکر و نانی سپی تێدابێت جەستە ناچاردەبێت ئەو خواردنە قورسە هەرس بکات و ماددە زیانبەخشەکان دەربکات لەجیاتی ئەوەی کارەکانی باشتر بکات.
وتوشیەتی:" نابێت لە بەیانیاندا قاوە بخۆنەوە، چونکە ئارەزووی خواردن کەمدەکاتەوە و وادەکات لە کاتێکی دیکەدا برسیتان ببێت بۆنمونە لە ئێواراندا، ئەمەش هۆکارە بۆ زیادبوونی کێش".